【2020私補學費】決定私人補習學費的五個考慮要點

更新日期:2020年7月2日


【私人補習學費2020】決定私人補習學費的五個考慮要點
【私人補習學費2020】決定私人補習學費的五個考慮要點


進入新學年,身為家長又要擔心仔女嘅學業情況。好多家長都會為咗令仔女學得更好而幫佢地搵個上門補習導師,對於初接觸私人補習嘅家長可能會苦惱應該畀導師幾多學費,一個合適嘅價格非常重要,不但可以減輕經濟負擔,更可以令補習物有所值。以下小編將會簡單扼要介紹係計算私補價錢時嘅考慮因素:


  • 以下私人補習價錢以每小時計,資料僅供參考,實際價錢應由家長及導師共同商議。

  • 如私人補習地點較遠,交通不方便,或家長對導師之經驗和資歷有更多要求,應該在價錢上作合理調整考慮。



1. 學生程度因素

學生的年級和教學內容相應的難度和深度有正比關係,學生越高的程度自然導師需要投入的心力就越多,所相對應的學費就會提升,例如一個準備考DSE的中六生所需嘅補習費用自然比一個小六考呈分試的學生要高,每個學生的年級大約都有相對應嘅補習學費,所以家長在跟導師商議學費時都要跟據學生就讀年級作出合理嘅預算。



2. 導師程度因素


理論上導師資歷越高,教學水平也應相應提高,所收嘅學費也會越高,正如一位現職教師,他的教學經驗和學歷正常要比一個剛考完DSE嘅中六生要豐富,他收嘅學費亦會比較高。但家長亦要注意一點,教學經驗和教學成果未必成正比,家長需要確認導師的教學方式是否適合子女,唔好盲目追求導師嘅高學歷和教學年資。呢度嘅建議係家長應陪同子女完成一堂補習,然後先決定係咪繼續補落去。



3. 地理+交通因素


補習地點同交通狀況都應成為補習價錢嘅考慮,按照經驗所得港島區嘅消費能力較高,通常接觸到嘅補習案例家長都願意付較高的價錢。補習地點如果交通較方便,例如鄰近地鐵站,或者所需交通時較短,相應的補習價錢也會稍稍下降,相反則會提升,所以家長在選擇導師時都要留意導師所住地區,揀選合適導師,為免學費又貴,又勞煩導師嘅情況。



4. 補習科目因素


各個科目嘅補習需求程度和熱門度都有不同,例如中學嘅主科中英數是最多學生需要補習嘅科目,所以係市場上補習叫價都較其他科目高。而一些偏冷門嘅科目又會因為能任教嘅導師數目少而價錢提高,例如一些專業試如樂器鋼琴 、 IELTS 、 TOFEL 、 外語等。再者,如果家長想為子女補全科相應價錢又會提升,因為導師需要同時兼顧多個科目,難度比單補一科要高。



5. 一對一/小組補習因素

近年興起學生自組補習,價錢方面每個學生平均需要付給導師嘅學費比平時一對一(即一個導師只對一個學生)來得低,學生可以找幾個需要補同一科嘅朋友一齊搵導師補,咁樣可以有效減低家長嘅經濟負擔,不過要留意嘅係隨著學生數目增長,教學質素亦會相應下降,因為導師未能夠顧及每一個學生嘅學習進度和需求,家長唔好盲目追求低價錢而讓子女參加小組補習,後果得不償失,最佳嘅小組補習學生數量係2至3個。



延伸閱讀:


哪個補習中介平台最好收費最低?

補習的好處-補習如何能夠幫助到學生?

面對面補習和線上視像補習應怎樣選擇?

為什麼幫人補習是大學生其中一個最佳兼職選擇?

五個步驟教你如何開始幫人補習

【私人補習學費2020】決定私人補習學費的五個考慮要點


113 次瀏覽

發掘更多